باجوڑ میں دھماکا، جے یو آئی کے سالار عبدالسلام حقانی شدید زخمی

پشاور (ڈیلی اردو) صوبہ خیبر پختون خواہ کے قبائلی ضلع باجوڑ کی تحصیل ماموند میں بم دھماکے کے نتیجے میں جے یو آئی انصار الاسلام کے صوبائی سالار مولانا عبد السلام شدید زخمی ہوگئے۔

پولیس کے مطابق دھماکہ ڈمہ ڈولہ کے علاقے میں ہوا ہے جو ریمونٹ کنٹرول تھا۔

پولیس کا کہنا ہے کہ دھماکے میں مولانا عبد السلام شدید زخمی ہوگئے ہیں جن کو خار ہسپتال منتقل کردیا گیا ہے جہاں ان کا علاج جاری ہے۔ پولیس نے واقعے کی تحقیقات شروع کر دی ہیں۔

جمعیت علماء اسلام فاٹا کے شعبہ نشرو اشاعت کی جانب سے جاری بیان کے مطابق قبائلی ضلع باجوڑ میں جے یو آئی فاٹا کے انچارج عبد السلام حقانی بم حملے میں شدید زخمی ہوگئے ہیں۔

جمعیت علما ٕ اسلام فاٹا کے سالار اعلی مولانا عبدالسلام حقانی پر قاتلانہ حملے کا پور زور مزمت کرتے ہیں اور حکومت سے مطالبہ کرتے ہیں کہ مجرموں کو پکڑکر سخت سے سخت سزا دی جاۓ ۔اللہ تعالی سے دعاگوں ہوکہ حقانی صاحب کو جلد صحتیابی کریں۔
ڈاکٹر مسعودگل ترجمان JUI پشاور
@JUIPeshawr

— Jamiat Ulama -e-Islam Peshawar (@OfficialJUIPesh) March 25, 2021

عبد السلام حقانی جمعرات کی علی الصبح معمول کے مطابق گھر سے درس و تدریس کے لیے مدرسے جارہے تھے کہ انہیں پہلے سے نصب بارودی مواد سے نشانہ بنایا گیا۔ واقعے میں عبد السلام حقانی شدید زخمی ہوگئے، جنہیں ابتدائی طبی امداد کے بعد پشاور کے ہسپتال میں منتقل کیا گیا ہے۔ جہاں ان کی حالت تشویشناک بتائی جارہی ہے۔