بلوچستان: گوادر میں پاکستان نیوی کی گاڑی پر فائرنگ، ایک اہلکار ہلاک، دو شدید زخمی

کوئٹہ (ڈیلی اردو) صوبہ بلوچستان کے ساحلی شہر گوادر میں نامعلوم مسلح افراد کے حملے میں پاکستان نیوی کا ایک اہلکار ہلاک اور دو شدید زخمی ہوئے ہیں۔

ذرائع کے مطابق جیونی سے گنز جانے والی پاکستان نیوی کی کیو آر ایف گاڑی پر نامعلوم مسلح افراد نے حملہ کیا جس میں سہیل نامی اہلکار ہلاک جبکہ جبکہ رضا اور نعمان نامی اہلکار شدید زخمی ہوگئے جن کو کو گوادر ہسپتال منتقل کردیا گیا۔

سیکیورٹی فورسز نے علاقے کو گھیرے میں لیکر کارروائی کردی گئے۔

دوسری جانب کالعدم تنظیم بلوچ لبریشن آرمی (بی ایل اے) نے حملے کی ذمہ داری قبول کرلی ہے۔

بلوچ لبریشن آرمی کے ترجمان آزاد بلوچ نے دعوی کیا ہے کہ ہمارے سرمچاروں نے پاکستان نیوی کی خصوصی یونٹ کیو آر ایف کی گاڑی پر جدید اور خودکار ہتھیاروں سے حملہ کیا جس کے نتیجے میں سہیل، رضا اور نعمان سمیت 4 اہلکار ہلاک جبکہ 2 اہلکار شدید زخمی ہوگئے۔