جلال آباد: طالبان کی گاڑی دھماکے سے اڑا دی گئی، 8 افراد ہلاک

کابل (ڈیلی اردو) افغانستان کے صوبہ ننگرہار کے شہر جلال آباد میں بم دھماکے میں 8 افراد ہلاک ہو گئے۔

افغان میڈیا کے مطابق جلال آباد میں سڑک کنارے نصب بم سے طالبان کی گاڑی کو نشانہ بنایاگیا۔

دھماکے میں 6 افراد زخمی ہوگئے جنہیں مقامی ہسپتال منتقل کر دیا گیا جہاں ان کا علاج جاری ہے۔

جلال آباد میں چند روز قبل خبھی طالبان کی گاڑی کو نشانہ بنایا گیا تھا جس میں 3 افراد ہلاک اور متعدد زخمی ہو گئے تھے۔

گزشتہ دنوں جلال آباد کی چیک پوسٹ پربھی حملہ کیا گیا تھا جس میں تین افراد ہلاک ہو گئے تھے۔

واضح رہے کہ طالبان کے حکومت سنبھالنے کے بعد سب سے پہلے کابل ایئرپورٹ ہر خودکش دھماکا کیا گیا تھا۔

قبل ازیں مشرقی افغانستان میں موجود عسکریت پسند تنظیم داعش سے منسلک ایک گروہ نے طالبان پر جلال آباد میں کیے گئے حملے کی ذمہ داری قبول کی تھی۔ گزشتہ ہفتے پیش آنے والے اس واقعے میں بارہ افراد ہلاک ہو گئے تھے۔