حیدر آباد: مٹیاری سے کالعدم تحریک طالبان پاکستان کا دہشت گرد گرفتار، کلاشنکوف اور دستی بم برآمد

کراچی (ڈیلی اردو) کاؤنٹر ٹیررزم ڈیپارٹمنٹ سندھ نے ضلع مٹیاری سے کالعدم تحریک طالبان پاکستان کے اہم دہشت گرد عبداللہ صغیر کو گرفتار کرلیا۔

https://twitter.com/ShabbirTuri/status/1724007842217439463?t=58my0fhyOm0o8mXajUTE8g&s=19

ترجمان سی ٹی ڈی سندھ کے مطابق پولیس ٹیم نے تکنیکی بنیادوں پر کارروائی کرتے ہوئے ضلع مٹیاری کی حدود جیندل شاہ کوٹ میں چھاپہ مار کارروائی کی تو دہشت گردوں نے سی ٹی ڈی کی ٹیم پر حملہ کردیا، فائرنگ کے تبادلے میں عبداللہ صغیر آسی عرف اسد ولد محمد صغیر آسی کو گرفتار کرلیا گیا۔ ملزم اعلی تعلیم یافہ ایم فل ہے۔

سی ٹی ڈی کے ابتدائی تفتیش کے مطابق گرفتار دہشت گرد عبداللہ سعودی عرب، ملائیشیا اور افغانستان کا دورہ کرچکا ہے تاکہ نیٹ ورک کو مضبوط کرسکے جبکہ وہ حال ہی میں متحدہ عرب امارات سے پاکستان ڈی پورٹ بھی ہوچکا ہے۔

گرفتار دہشت گرد کے قبضے سے کلاشنکوف اور دستی بم برآمد کیے گئے ہیں۔

ملزم کے خلاف سی ٹی ڈی تھانے میں مقدمہ درج کر لیا گیا ہے۔ اور انہیں مزید تفتیش کے لیے نامعلوم مقام پر منتقل کر دیا گیا ہے۔

یاد رہے کہ اس سے قبل سی ٹی ڈی اپنے جاری کردہ پریس ریلیز میں ملزم کا تعلق القائدہ تنظیم سے بتایا تھا۔