رواں سال خیبرپختونخوا میں دہشتگردی کے 806 واقعات

پشاور (ڈیلی اردو) کاؤنٹر ٹیررازم ڈیپارٹمنٹ (سی ٹی ڈی) نے خیبرپختونخوا میں دہشتگردی کے واقعات سے متعلق رپورٹ جاری کردی۔

سی ٹی ڈی کی رپورٹ کے مطابق صوبے میں رواں سال اب تک دہشتگردی کے 806 واقعات ہوئے اور دہشتگردی کے 243 واقعات میں پولیس کونشانہ بنایا گیا۔

رپورٹ میں بتایا گیا ہے کہ دہشتگردی کے سب سے زیادہ 132 واقعات ڈی آئی خان میں ہوئے، خیبر میں 103، پشاور 89، شمالی وزیرستان 86 اور جنوبی وزیرستان میں دہشتگردی کے 50 واقعات ہوئے۔

رپورٹ کے مطابق دہشتگردی کے واقعات میں 837 دہشت گردوں کو گرفتار کیا گیا ہے جن میں سے پشاور سے 245 دہشت گردوں کو گرفتار کیا گیا، خیبر سے57، کوہاٹ 58 اور چارسدہ سے 39 دہشت گردوں کو گرفتار کیا گیا۔