19/October/2022

سوات قومی جرگے نے فوجی آپریشن مسترد کردیا

👁️ 23 بار دیکھا گیا

ایڈمن
امریکا
سوات قومی جرگے نے فوجی آپریشن مسترد کردیا

سوات قومی جرگے نے فوجی آپریشن مسترد کردیا

سوات (مانیٹرنگ ڈیسک) سوات قومی جرگہ کی ورکنگ کمیٹی کا توسیعی اجلاس شیر بہادر خان کی صدارت میں منعقد ہوا جس میں سوات قومی جرگہ کے اکابرین مختار خان یوسف زئی، شیر شاہ خان، عبدالجبار خان، حاجی زاہد خان، خواجہ خان اور دیگر درجنوں مشران اور عمائدین نے شرکت کی۔

سوات میں امن وامان کی مجموعی صورتحال اور دہشت گردی کے خلاف عوام کی مزاحمتی جدوجہد کے اثرات پر تفصیلی غور و خوص ہوا اور فیصلہ کیا گیا کہ سوات قومی جرگہ کو جماعتی مفادات سے بالاتر رکھتے ہوئے اس کو اصلی سوات کے ایک حقیقی قومی پلیٹ فارم کے طور پر مربوط اور فعال رکھا جائیگا۔

اسے ضروری توسیع دی جائیگی، جبکہ ملاکنڈ ڈویژن بالخصوص سوات کے عوام کے جان و مال اور آبرو سمیت ان کے جملہ مفادات کے تحفظ کیلئے جاری، جمہوری مزاحمتی جدوجہد کو جاری رکھا جائیگا۔

علاقے میں حقیقی اورپائیدار امن کے قیام کیلئے حسب ضرورت سول ایڈمنسٹریشن کیساتھ باہمی کوششیں بھی جاری رکھ کر علاقے کو دہشت گردی، بھتہ خوری، ٹارگٹ کلنگ اور خوف کے ناسور سے پاک رکھنے کیلئے ہرممکن قانونی کوششیں کی جائیں گی۔

جرگہ شرکاء نے سوات اور ملاکنڈ ڈویژن میں فوجی آپریشن کی ضرورت کو متفقہ طور پر یکسر مسترد کیا اور واضح کیا کہ محکمہ پولیس کو بااختیار و ضروری لازمی وسائل فراہم کرکے مطلوبہ مقاصد باآسانی حاصل کئے جا سکتے ہیں۔

شیئر کریں:

متعلقہ خبریں

خبر
سیاست

قومی اسمبلی میں اہم بل کی منظوری

1 گھنٹہ پہلے تفصیل
خبر
سیاست

وزیر خارجہ کا اہم بیان

2 گھنٹے پہلے تفصیل

موسمی حالات

کراچی

32°C

لاہور

28°C