صومالیہ: الشباب کے حملوں میں 47 فوجی ہلاک، جوابی کارروائی میں 77 دہشتگرد بھی مارے گئے

موغا دیشو (ڈیلی اردو) صومالیہ میں دہشت گرد تنظیم الشباب کے جنگجوؤں نے دو فوجی اڈوں پر دھاوا بول دیا جس کے نتیجے میں 47 اہلکار ہلاک اور متعدد زخمی ہوگئے۔ جوابی کارروائی میں 77 دہشت گرد بھی مارے گئے۔

https://twitter.com/FCBayer85680012/status/1378331957663256580?s=19

عالمی خبر رساں ادارے کے مطابق دارالحکومت موغادیشو کے نزدیک فوجی اڈے پر دو بم دھماکے کیے گئے جب کہ ایک فوجی قافلے پر بھی بم دھماکا کیا گیا۔

دھماکے کے بعد فوج اور دہشت گردوں میں گھمسان کی جھڑپ ہوئی۔

صومالی فوج کے ترجمان نے جوابی کارروائی میں مجموعی طور پر 77 دہشت گردوں کو ہلاک کرنے کا دعویٰ کرتے ہوئے کہا کہ پہلی جھڑپ میں 60 جبکہ دوسری میں 17 جنگجو مارے گئے۔ جبکہ 10 کو گرفتار کرلیا گیا ہے۔ اس دوران 9 فوجی اہلکار ہلاک اور 11 زخمی ہوئے۔

Somali forces have killed 76 Shabab members and captured 10 others in Saturday’s terrorist attacks on SNA bases in Lower Shabelle region,Somalia’s ground forces commander Brigadier General Mohamed Tahaliil told to state media pic.twitter.com/KkduFWFhFc

— Nasra Bashir Ali (@NasraBashiir) April 3, 2021

صومالی فوج کے ترجمان نے بتایا کہ دہشت گردوں کے حملوں سے نمٹنے کے لیے مزید نفری کو بھیجا گیا تھا اور بھرپور جوابی کارروائی کرکے دہشت گردوں کو پسپا ہونے پر مجبور کردیا۔

دوسری جانب دہشت گرد تنظیم الشباب نے دعویٰ کیا ہے کہ آرمی بیس اور فوجی قافلے پر کئے گئے حملوں میں 47 اہلکار ہلاک ہوئے جب کہ اسلحہ اور فوجی گاڑیاں بھی قبضے میں لے لیں۔

واضح رہے کہ صومالیہ میں حکومتی فورسز اور الشباب کے دہشت گردوں کے درمیان جھڑپوں کا سلسلہ کئی برسوں سے جاری ہے تاہم گزشتہ 4 برسوں سے اس میں تیز آئی ہے۔