ٹانک میں سیکیورٹی فورسز کا آپریشن، تحریک طالبان پاکستان کے 4 دہشت گرد ہلاک

ٹانک (نمائندہ ڈیلی اردو) صوبہ خیبر پختونخوا کے ضلع ٹانک میں سیکورٹی فورسز نے آپریشن کرتے ہوئے کالعدم تنظیم تحریک طالبان پاکستان کے 4 دہشت گردوں کو ہلاک کردیا۔

سیکورٹی فورسز نے ضلع ٹانک میں آپریشن کرتے ہوئے کالعدم تحریک طالبان پاکستان کے 4 دہشتگردوں کو ہلاک کردیا۔ سرکاری ذرائع کے مطابق مارے گئے دہشت گردوں کا تعلق ٹیپو گل اور ملنگ گروپ سے ہے۔#Tank #TTP #Pakistan

— Shabbir Hussain Turi (@ShabbirTuri) December 8, 2023

سیکورٹی ذرائع کے مطابق قانون نافذ کرنے والے اداروں کو خفیہ اطلاع ملی تھی کہ کالعدم تنظیم کے دہشت گرد وں نے سیکورٹی فورسز پر حملوں کی منصوبہ بندی کی ہے اور اس مقصد کیلئے ٹانک کے علاقے اعظم کوٹ میں موجود ہے جس پر سیکورٹی فورسز نے ٹارگٹڈ آپریشن کیا فورسز کو دیکھتے ہی دہشت گردوں نے فائرنگ شروع کر دی۔

سیکیورٹی فورسز نے بھی جوابی کارروائی کی فائرنگ کا تبادلہ ایک گھنٹے تک جاری رہا سیکورٹی فورسز کی فائرنگ سے کالعدم تنظیم کے چار دہشت گرد مارے گئے۔

مارے گئے دہشت گردوں میں اسحاق، ملنگ مروت، خاورے اور ضیاء شامل ہیں.

ذرائع کے مطابق مارے گئے دہشت گردوں کا تعلق ٹیپو گل اور ملنگ گروپ سے ہے۔