پاکستان اور بھارت کے درمیان پانی کے امور پر تین سال بعد مذاکرات شروع

اسلام آباد (ڈیلی اردو) پاکستان اوربھارت کے درمیان پانی کے امور پر 3 سال بعد مذاکرات شروع ہو گئے، مذاکرات میں دریائے چناب پر زیر تعمیر متنازعہ آبی منصوبوں سمیت دیگر معاملات زیربحث ہیں۔

پاکستان اور بھارت کےدرمیان پانی کے امور پر مذاکرات کا آغاز ہوگیا، مذاکرات انڈس واٹر کمشنرز کی سطح پر ہو رہے ہیں۔

پاک بھارت انڈس واٹر کمشنر کے مذاکرات 3 مارچ تک جاری رہیں گے، کشیدگی کے باعث مذاکرات 3 سال بعد ہو رہے ہیں۔

اسلام آباد میں جاری مذاکرات میں پاکستانی وفد کی قیادت انڈس واٹر کمشنر سید مہرعلی شاہ جبکہ بھارتی وفد کی نمائندگی کمشنر پی کے سکسینا کر رہے ہیں۔

مذاکرات میں بھارت کی طرف دریائے چناب پر زیر تعمیر متنازعہ آبی منصوبے زیر بحث ہیں، بھارتی وفد دریا چناب پر پکل دل اور لوئر کلنائئی سمیت دیگر منصوبوں پر بریفنگ دی جائے گی۔

پاکستان نے دریا چناب پر متنازعہ منصوبوں پر عالمی بینک کو بھی ثالثی کیلئے کہا تھا، جس پر عالمی بینک نے دونوں ممالک کوبات چیت کے ذریعے معاملہ حل کرنے کی درخوست کی تھی، مذاکرات کی پیشرفت سے عالمی بینک بھی آگاہ رہے گا۔