کراچی میں رینجرز کی گاڑی کے قریب دھماکا، ایک اہلکار ہلاک، 8 زخمی

کراچی (ڈیلی اردو) صوبہ سندھ کے صوبائی دارالحکومت کراچی کے علاقے اورنگی ٹاؤن میں رینجرز کی گاڑی کے قریب دھماکا ہوا ہے جس کے نتیجے میں ایک رینجرز اہلکار ہلاک جب کہ 2 اہلکاروں سمیت 8 افراد زخمی ہوئے ہیں۔

ذرائع کے مطابق دھماکا اورنگی ٹاؤن 5 نمبر کے قریب رینجرز کی گاڑی کے قریب کیا گیا ۔

پولیس نے شبہ ظاہر کیا ہےکہ بم سڑک کنارے کھڑی موٹر سائیکل یا اس جگہ پر لگایا گیا تھا۔

پولیس اور رینجرز نے جائے وقوعہ کو گھیرے میں لے لیا ہے اور حملے کے حوالے سے تحقیقات کی جارہی ہیں۔

ریسکیوذرائع کے مطابق دھماکے میں رینجرز موبائل، ایک کار اور موٹرسائیکل کو نقصان پہنچا ہے۔

دھماکے میں زخمی ہونے والوں کو عباسی شہید ہسپتال منتقل کردیا گیا ہے