کرم میں سرحد پار سے حملہ، دو پاکستانی فوجی ہلاک

راولپنڈی (نمائندہ ڈیلی اردو) افغانستان سے دہشت گردوں کی سیکیورٹی فورسز پر فائرنگ کے نتیجے میں پاکستانی فوج کے دو اہلکار ہوگئے۔

پاکستانی فوج کے شعبہ تعلقات عامہ آئی ایس پی آر کے مطابق قبائلی ضلع کرم کے علاقے میں افغان دہشت گردوں نے پاک افغان سرحد پر باڑ عبور کرنے کی کوشش کی۔

پاک فوج نے بروقت جوابی کارروائی کرتے ہوئے سرحدی خلاف ورزی کی کوشش ناکام بنادی۔

اس دوران شدید فائرنگ کے تبادلے میں کرم کے رہائشی 24 سالہ لانس نائیک اسد طوری اور لکی مروت کے رہائشی 21 سالہ سپاہی آصف ہلاک ہوگئے۔

آئی ایس پی آر نے پاکستان کے خلاف دہشت گردوں کی جانب سے افغان سرزمین کے استعمال کی شدید مذمت کرتے ہوئے افغان عبوری حکومت پر زور دیا ہے کہ آئندہ پاکستان کے خلاف اس طرح کی کارروائیوں کی اجازت نہ دے۔

پاک فوج دہشت گردی کے خطرے سے ملکی سرحدوں کی حفاظت کے لیے پرعزم ہے۔