کرم میں سرحد پار سے چیک پوسٹ پر حملہ، 5 پاکستانی فوجی ہلاک، 4 زخمی

اسلام آباد (ش ح ط) پاک افغان سرحد کے قریب واقع صوبہ خیبر پختونخوا کے قبائلی ضلع کرم میں سرحد پار سے دہشت گردوں کے حملے میں پاکستانی فوج کے پانچ اہلکار ہلاک اور چار زخمی ہو گئے۔

قبائلی ضلع کرم کے سرحدی علاقے شورکو کے مقام پر پاکستانی سیکورٹی فورسز اور نامعلوم مسلح افراد کے درمیان شدید فائرنگ اور گولہ باری، ہلاکتوں کا خدشہ#Kurram #Pakistan #Afghanistan @Natsecjeff

— Shabbir Hussain Turi (@ShabbirTuri) February 5, 2022

سرکاری ذرائع کے مطابق ہفتے کی شام کو افغانستان کے صوبہ خوست سے لوئر کرم کے قریب سرحدی علاقے شورکو میں قائم پاکستانی چیک پوسٹ پر دہشت گردوں نے خود کار ہتھیاروں سے حملہ کیا، سیکیورٹی فورسز نے حملے کو ناکام بناتے ہوئے بھرپور جوابی کارروائی کی۔

کرم اپڈیٹ: افغانستان کے صوبہ خوست سے قبائلی ضلع کرم کے سرحدی علاقے شورکو پر فائرنگ، نامعلوم حملہ آوروں نے سرحدی چوکی کو نشانہ بنایا، حملے میں 5 پاکستانی فوجی ہلاک اور 4 اہلکار زخمی ہو گئے۔#Kurram #Pakistan #Afghanistan @Natsecjeff

— Shabbir Hussain Turi (@ShabbirTuri) February 6, 2022

ذرائع کا کہنا ہے کہ فائرنگ کے تبادلے میں کئی شدت پسند ہلاک جبکہ پانچ پاکستانی فوجی ہلاک اور چار فوجی زخمی ہوگئے، زخمی اہلکاروں کو طبی امداد دینے کے لیے فوری طور پر قریبی ہسپتال پہنچا دیا گیا جبکہ علاقے میں موجود دیگر اہلکاروں نے جوابی کارروائی کرتے ہوئے حملہ آوروں کو پسپا کر دیا۔

ہلاک اہلکاروں کی شناخت لانس نائیک عجب نور، سپاہی ضیا اللہ، ناہید اقبال، سمیر اللہ اور ساجد علی کے نام سے ہوئی۔

دوسری جانب کالعدم تنظیم تحریک طالبان پاکستان نے حملے کی ذمہ داری قبول کرلی۔

واضح رہے کہ قبائلی علاقوں میں گزشتہ کچھ ماہ سے دہشتگردی کے واقات میں ایک مرتبہ پھر اضافہ ہوتا جارہا ہے۔