کور کمانڈرز کانفرنس: دہشت گردوں کیخلاف بلا تفریق کارروائی کی جائے گی

اسلام آباد (ڈیلی اردو) آرمی چیف جنرل عاصم منیر کی زیرصدارت کور کمانڈرز کانفرنس جی ایچ کیو راولپنڈی میں ہوئی ہے۔

آئی ایس پی آر کے مطابق آرمی چیف جنرل سید عاصم منیر کی زیر صدارت 254 ویں کور کمانڈرز کانفرنس 27 سے 28 دسمبر تک جی ایچ کیو راولپنڈی میں منعقد ہوئی۔

CCC held @ GHQ. General Syed Asim Munir, COAS presided. A comprehensive review of professional & organisational matters of Army was undertaken. It was resolved to fight against terrorists without any distinction & eliminate this menace as per aspirations of people of Pakistan. pic.twitter.com/h7wLXx97bf

— DG ISPR (@OfficialDGISPR) December 28, 2022

کانفرنس کے دوران پاک فوج کے پیشہ ورانہ اور تنظیمی امور کا مفصل جائزہ لیا گیا۔

کانفرنس کے شرکاء نے اس عزم کا اعادہ کیا کہ پاکستان کے عوام کی امنگوں کے مطابق دہشت گردوں کے خلاف بلا تفریق جنگ رہے گی اور دہشت گردی کی اس لعنت کا خاتمی یقینی بنایا جائے گا۔

کانفرنس میں سیکیورٹی صورتحال پر بریفنگ بھی دی گئی، کور کمانڈرز کانفرنس 2 دن تک جی ایچ کیو میں جاری رہی۔