افغانستان: کنڑ میں دھماکا، طالبان کا ضلعی پولیس چیف ہلاک

کابل (ڈیلی اردو) افغانستان کے صوبے کنڑ کے علاقے اسدآباد میں بم دھماکے کے نتیجے میں ضلعی پولیس چیف ہلاک اور 11 افراد زخمی ہوگئے۔

غیر ملکی خبر رساں ادارے کے مطابق صوبے کنڑ کے شہر اسدآباد میں ضلع شیگل میں تعینات طالبان پولیس چیف کی گاڑی کو بم دھماکے میں نشانہ بنایا گیا جس کے نتیجے میں پولیس سربراہ موقع پر ہی ہلاک ہوگیا جب کہ واقعہ میں دیگر 11 افراد بھی زخمی ہوئے جنہیں ہسپتال منتقل کردیا گیا ہے۔

District police chief killed in Kunar roadside bombing https://t.co/vLWoQU8nVG

Doctors at Kunar provincial hospital also confirmed the incident, adding that 11 wounded, four of them IEA fighters, were taken to the central hospital.#ArianaNews #Afghanistan #Kunar #IEA #Blast pic.twitter.com/Ol1Ew0MjdV

— Ariana News (@ArianaNews_) October 14, 2021

طالبان حکام کی جانب سے صوبے کنڑ میں بم دھماکے کی تصدیق کی گئی ہے تاہم ابھی تک واقعہ کی ذمہ داری کسی گروپ کی جانب سے قبول نہیں کی گئی۔

واضح رہے کہ اس سے قبل افغانستان میں ہونے والے متعدد بم دھماکوں میں داعش خراساں ملوث رہی ہے جس کے خلاف طالبان کی جانب سے کارروائیاں بھی کی جارہی ہیں۔