باجوڑ میں شرپسندوں نے سرکاری اسکول کو گرا دیا

خار (ڈیلی اردو) صوبہ خیبر پختونخوا کے ضلع باجوڑ میں نامعلوم شرپسندوں نے سرکاری اسکول کو گرا دیا، شرپسندوں نے اسکول کی چھت مسمار کرکے چھتوں کے ٹی آئرن اور گارڈرز چوری کرکے ساتھ لئے گئے۔

باجوڑ تحصیل لوئی ماموند لغڑئی میں نامعلوم افراد نے برانچ پرائمری سکول کو رات کی تاریکی میں مسمار کرکے سکول کا سامان گارڈر، ٹی آئرن اور دیگر سامان اپنے ساتھ لے گئے۔ اس سکول میں 400بچے زیر تعلیم تھے۔
اے ای او نذیر ملاخیل pic.twitter.com/2IHeJwRZds

— Bilal Yasir (@BilalYasirBjr) November 20, 2023

اسسٹنٹ ایجوکیشن آفیسر حاجی نظیر ملاخیل کا کہنا ہے کہ متاثرہ گورنمنٹ پرائمری اسکول ملا کلے برانچ تحصیل ماموند میں واقعہ ہے۔

ان کا کہنا تھا کہ گزشتہ رات ’نامعلوم شرپسندوں نے تاریکی کا فائدہ اٹھاتے ہوئے اسکول مسمار کردیا۔ اسکول کی چھت گرانے کے بعد گارڈرز، ٹی آئرن سمیت تعمیراتی میٹریل چوری کرکے ساتھ لے گئے‘۔

انہوں نے بتایا کہ اسکول محکمہ تعلیم کے پیرنٹس ٹیچرز کونسل کے فنڈ سے تعمیر ہوا تھا، اسکول میں چار سو بچے زیر تعلیم ہیں۔