باجوڑ میں گاڑی میں دھماکا، ایک شخص ہلاک

خار (نمائندہ ڈیلی اردو/ٹی این این) صوبہ خیبر پختونخوا کے قبائلی ضلع باجوڑ کی تحصیل خار میں دھماکہ ہوا ہے جس کے نتیجے میں ایک شخص ہلاک ہوگیا۔

باجوڑ تحصیل خار کے علاقے پیشتو میں زوردار دھماکہ ، دھماکے میں سبزعلی خان ولد مرسلین جان بحق ، دھماکے میں گاڑی مکمل طور پر تباہ ہوگئی ۔ عینی کے مطابق دھماکہ نہایت زودار تھا ، جس کے باعث گاڑی کے پرخچے اڑ گئے ۔ باجوڑ پولیس pic.twitter.com/x751RXhSov

— Bilal Yasir (@BilalYasirBjr) November 22, 2023

عینی شاہدین کے مطابق دھماکہ آج صبح مامینزو میں سبز علی خان کی گاڑی پر ہوا ہے جس کے نتیجے میں سبزعلی خان موقع پر پی دم توڑ گئے۔

عینی شاہدین کا کہنا ہے کہ دھماکا اتنا زوردار تھا کہ گاڑی کے پرخچے اڑ گئے۔ ایس ایچ او نیاز خان کے مطابق پولیس نے واقعے کی تحقیقات شروع کردی ہیں۔

واضح رہے کہ کچھ عرصہ قبل باجوڑ میں ایک جلسے کے دوران خودکش دھماکا ہوا تھا جس کے نتیجے میں درجنوں افراد لقمہ اجل بن گئے تھے۔