جنوبی وزیرستان میں زیر تعمیر تھانے پر دہشت گردوں کی فائرنگ، 5 مزدور ہلاک، ایک زخمی

وانا (ڈیلی اردو) صوبہ خیبر پختونخوا کے قبائلی ضلع جنوبی وزیرستان کے علاقے دژہ غونڈئی میں رات گئے نامعلوم دہشت گردوں کی فائرنگ سے زیر تعمیر پولیس تھانے میں کام کرنے والے 5 مزدور ہلاک ہوگئے۔

https://twitter.com/ShabbirTuri/status/1738064855373131804?t=q3zsafKnAyHomWgh6vED-Q&s=19

مقامی پولیس کے مطابق زیر تعمیر تھانے پر فائرنگ کا واقعہ گزشتہ رات پیش آیا۔

پولیس نے ڈیلی اردو کو بتایا کہ مزدور دژہ غونڈئی میں زیر تعمیر پولیس تھانہ میں کام کر رہے تھے کہ اس دوران مسلح دہشت گردی کی جانب سے فائرنگ شروع ہوگئی۔

پولیس کے مطابق فائرنگ کے نتیجے میں 5 مزدور ہلاک اور ایک زخمی ہوگیا۔

پولیس کا کہنا ہے کہ فائرنگ کے واقعے میں ہلاک ہونے والے مزدوروں اور زخمی کو ڈسٹرکٹ ہسپتال وانا منتقل کر دیا گیا ہے۔ مزدوروں کا تعلق وزیرستان سے ہے۔

ڈی پی او جنوبی وزیرستان فرمان اللہ کا کہنا ہے کہ واقعہ کی تحقیقات کر کے مکمل تفصیلات فراہم کی جائیں گی، ابتدائی سطح پر فائرنگ کے واقعے سے متعلق کچھ نہیں کہا جا سکتا۔