سعودی عرب اتحاد کا یمن کے دارالحکومت صنعا میں فوجی آپریشن

صنعا (ڈیلی اردو) عرب فوجی اتحاد نے یمن کے دارالحکومت صنعا میں فوجی آپریشن شروع کردیا۔

عرب میڈیا کے مطابق ایرانی حمایت یافتہ حوثی باغیوں کے خطرات کے جواب میں عرب اتحاد نے صنعا میں فوجی آپریشن شروع کیا ہے، جس میں عام شہریوں اور ان کی املاک کو نقصان نہیں پہنچے گا۔

عرب اتحاد نے کہا کہ اگر یمن میں انسانی حقوق کی خلاف ورزیاں ہوتی رہیں تو انسانی حقوق کے عالمی قوانین کی روشنی میں ہم حوثیوں کے خلاف سخت کارروائی کریں گے۔

گزشتہ چند ماہ کے دوران ہم نے یمن میں انسانی حقوق کی سنگین خلاف ورزیوں پر انتہائی صبر و تحمل کا مظاہرہ کیا ہے ، ہمارا مقصد یمن کے تنازع کا پرامن حل سیاسی حل نکالنا ہے، اور اس کے لیے عالمی کوششوں میں تعاون کرنا ہے۔

عرب اتحاد کے ترجمان ترکی المالکی نے کہا کہ عالمی قانون کی روشنی میں یہ آپریشن شروع کیا گیا ہے جس میں عام شہریوں کو نقصان سے بچانے کےلیے حفاظتی اقدامات کیے گئے ہیں۔