عراق: کرکوک میں انٹیلی جنس ہیڈکوارٹر پر داعش کا خودکش حملہ، 4 افراد زخمی

بغداد (ڈیلی اردو) عراق کے شہر کرکوک میں شدت پسند تنظیم دولت اسلامیہ عراق و شام (داعش) نے انٹیلی جنس ہیڈکوارٹر پر حملہ کردیا۔

کردستان ٹی وی کے مطابق کرکوک میں قائم ڈائریکٹوریٹ آف کاؤنٹر ٹیرر ازم اینڈ انٹیلی جنس کے دفتر میں 2 حملہ آوروں نے گھسنے کی کوشش کی تاہم سیکیورٹی اہلکاروں نے روکنے کی کوشش کی تو حملہ آوروں نے خود کو دھماکے سے اڑا دیا۔

UPDATE: An #ISIS suicide attacker with explosive belts detonated their self on Tuesday while attempting to penetrate #Kirkuk’s intelligence headquarters, resulting in four injuries to intelligence members. https://t.co/J6mfAOIj9f

— Kurdistan 24 English (@K24English) April 28, 2020

دھماکے کے نتیجے میں دونوں حملہ آور موقع پر ہلاک ہوگئے جبکہ 4 سیکیورٹی اہلکار زخمی ہوئے ہیں۔

دوسری جانب شدت پسند تنظیم داعش نے حملے کی ذمہ داری قبول کرلی ہے۔ خیال رہے کہ 2013 میں بھی دہشت گردوں نے اسی ہیڈکوارٹر پر حملہ کیا تھا۔