مستونگ پولیس کی کارروائی، آئی ایس آئی کا جعلی انسپکٹر ساتھی سمیت گرفتار

مستونگ (ڈیلی اردو) صوبہ بلوچستان کے ضلع مستونگ سٹی پولیس کی کامیاب کارروائی کرتے ہوئے آئی ایس آئی کا جعلی انسپکٹر ساتھی سمیت گرفتار کر لیا۔ جعلی کارڈ اور منشیات برآمد۔

تفصیلات کے مطابق ڈسٹرکٹ پولیس آفیسر مستونگ لیفٹیننٹ ریٹائرڈ محمد بلوچ اور ڈی ایس پی نوراحمد رند کے خصوصی ہدایت پر جرائم پیشہ عناصر کیلئے سٹی پولیس تھانہ کے ایس ایچ او عبدالفتاح محمد حسنی کے سربرائی میں ایس آئی مقصود لغاری، ایس آئی محمد یونس، محمد شہی اور اے ایس نورحسن پر مشتمل سٹی پولیس کا چھاپہ مار ٹیم نے کارروائی کرتے ہوئے حساس ادارے (آئی ایس آئی ) کا ایک جعلی انسپکٹر سلیم مینگل ساکن خضدار اور ساتھی نصراللہ محمدحسنی ساکن خضدار کو شمس آباد ناکہ کے قریب خفیہ اطلاع پر گرفتار کر کے انکے قبضے سے حساس ادارے کا کارڈ اور بھاری مقدار میں منشیات برآمد کر کے مقدمہ درج کر لیا۔