چارسدہ میں ٹھیکدار کے گھر کے باہر نصب 3 کلو وزنی بم برآمد

چارسدہ (نمائندہ ڈیلی اردو) صوبہ خیبر پختونخوا کے ضلع چارسدہ میں بم ڈسپوزل سکواڈ نے کارروائی کے دوران 3 کلو بارودی مواد کو ناکارہ بنا دیا۔

https://twitter.com/ShabbirTuri/status/1722949440913461384?t=qTfqudQGH3sQz1_BA-XWrw&s=19

پولیس کے مطابق شبقدر شہباز خان کورونہ تھانے خواجہ وس کی حدود میں مقامی ٹھیکیدار اقبال شاہ کے گھر کے باہر نامعلوم افراد بم رکھ کر چلے گئے تھے، جس کے بعد بم ڈسپوزل اسکواڈ کو طلب کرلیا گیا، جس نے موقع پر پہنچ کر بم کو ناکارہ بنادیا۔

بم ڈسپوزل اسکواڈ کے مطابق بم میں 3 کلو بارودی مواد تھا، بم کی اطلاع ملنے پر علاقے میں خوف و ہراس پھیل گیا۔

پولیس کے مطابق اقبال نامی ٹھیکیدار کو عرصہ دراز سے نامعلوم بھتہ خوروں کی طرف سے بھتہ دینے کیلئے کال آ رہی ہیں۔ پولیس نے نامعلوم افراد کیخلاف مقدمہ درج کرکے تفتیش شروع کردی۔