کراچی: عوام ایکسپریس سے 5 کلو وزنی بم برآمد

کراچی (ڈیلی اردو) کراچی کی کینٹ اسٹیشن پہنچنے والی ٹرین عوام ایکسپریس سے برآمد ہونے والا 5 کلو وزنی بم ناکارہ کرکے دہشتگردی کا منصوبہ ناکام بنا دیا گیا۔

#TimeBomb has been found from train Awami Express Coach,
The #train arrived from #Peshawar to #Karachi
Bag contains battery ,wire switches #Bomb disposal team is looking the suspicious bag pic.twitter.com/OIYWvZQMgE

— Salman Lodhi (@Salmanlodhi_85) December 22, 2023

پولیس کے مطابق عوام ایکسپریس میں بم کی اطلاعات موصول ہونے کے بعد بم ڈسپوزل اسکواڈ نے فوری موقع پر پہنچ کر بم کو کنٹرول بلاسٹ کے ذریعے ناکارہ بنایا۔

ڈی آئی جی ساؤتھ کا کہنا تھا کہ بم میں 2 کلو گرام دھماکا خیزمواد استعمال کیا گیا تھا جبکہ بم کا وزن 5 کلو تھا، دھماکا خیز مواد کو ٹائم ڈیوائس کے ساتھ منسلک کیا گیا تھا جبکہ بم کو ڈیٹونیٹ کرنے کیلئے موٹر سائیکل کی بیٹری استعمال کی گئی تھی۔

ڈی آئی جی ساؤتھ نے کہا کہ بم کا ممکنہ ہدف شمالی سندھ تھا، بم کا ٹائمر دن 12 بجے سیٹ تھا، دوپہر بارہ بجے ٹرین سکھریا روہڑی کے قریب تھی۔

کاؤنٹر ٹیررازم ڈیپارٹمنٹ (سی ٹی ڈی) کے راجا عمر خطاب کا کہنا تھا کہ تخریب کاری کی کوشش کسی علیحدگی پسند جماعت کی ہوسکتی ہے،بم ڈسپوزل یونٹ کے مطابق بم سیاہ اور لال رنگ کے اسکول بیگ میں رکھا گیا تھا۔

پولیس کا کہنا تھا کہ بم کو پشاور سے کراچی آنے والی ٹرین عوام ایکسپریس کی سیٹ کے نیچے چھپایا گیا تھا۔