کراچی میں ٹی ڈی اور حساس ادارے کی مشترکہ کارروائی، زینبیون بریگیڈ کے 2 ٹارگٹ کلرز گرفتار

کراچی (ڈیلی اردو) کاؤنٹر ٹیررزم ڈیپارٹمنٹ (سی ٹی ڈی) اور وفاقی حساس ادارے نے شام سے تربیت حاصل کرنے والے 2 دہشت گردوں کو گرفتار کر لیا، جن میں سے ایک سابقہ پولیس اہلکار رہ چکا ہے۔

BIG BREAKING:

Pakistani Counter-Terrorism Dept (CTD) has arrested two IRGC-trained Shi'ite militants of Zainabiyoun Brigade in a raid in Karachi city. One of them is an ex-cop.

The CTD press release confirms that both were trained in Syria. The press release doesn't name Iran… pic.twitter.com/h3HoSncS2m

— FJ (@Natsecjeff) November 26, 2023

انچارج سی ٹی ڈی خرم وارث کے مطابق گرفتار دہشت گردوں کی شناخت سید رضا احمد اور سید خرم علی کے نام سے ہوئی ہے، گرفتار ملزمان شام سے دہشتگردی کی تربیت حاصل کرکے آئے تھے۔ ملزمان کا تعلق کالعدم شدت تنظیم زینبیون بریگیڈ سے ہے۔

انچارج سی ٹی ڈی کا بتانا ہے کہ ملزمان کا تعلق ہائی ویلیو ٹارگٹ نامی سپیشل سکوارڈ سے ہے، ملزمان بیرون ملک سے ملنے والے احکامات پر اہم شخصیات کو قتل کرتے ہیں، ملزمان ٹارگٹ کلنک میں ملوث ہیں اور اہم شخصیات کی ریکی کرچکے تھے۔

انچارج سی ٹی ڈی کے مطابق ملزمان کے نشانے پر کچھ غیرملکی افراد بھی تھے، ملزم سید رضا احمد سابق پولیس اہلکار ہے اور 1994 میں برطرف ہوا تھا، ملزمان کو قتل کی وارداتوں کے عوض بھاری رقم ملتی تھی۔

ایرانی حمایت یافتہ دہشت گرد تنظیم زینبیون بریگیڈ کو جنوری 2019 میں امریکا نے بلیک لسٹ میں شامل کرلیا تھا اور خیال کیا جاتا ہے کہ انہوں نے پاکستان کی اہل تشیع برادری سے تعلق رکھنے والے نوجوانوں کو شام میں لڑنے کے لیے بھیجا تھا۔