امریکی ریاست ہارٹفورڈ میں فائرنگ، 2 پولیس افسر ہلاک، ایک شدید زخمی

واشنگٹن (ڈیلی اردو) امریکی ریاست کنیٹیکٹ میں رات گئے فائرنگ کے واقعے میں دو پولیس افسر ہلاک جبکہ ایک زخمی ہوگیا۔

پولیس کے مطابق ریاست کے دارالحکومت ہارٹفورڈ سے 20 میل جنوب مغربی علاقے میں فائرنگ کا واقعہ پیش آیا۔

پولیس کا کہنا ہے کہ ہم تفتیشی افسران سے حاصل کردہ معلومات پر کام کرکے واقعے میں ملوث افراد کا تعین کر رہے ہیں۔

UPDATE: 3 officers were shot in Bristol OIS. We are still working diligently to gather accurate information from our investigators and all that are involved. We will provide a press conference as soon as we can. Again, please be patient as the scene is still very active and fluid

— CT State Police (@CT_STATE_POLICE) October 13, 2022

امریکی ٹی وی چینل سی بی ایس کے مطابق برسٹل ہیلتھ اسپتال میں فائرنگ کے بعد پولیس کی بھاری نفری موجود ہے۔

یہ واضح نہیں ہوسکا کہ مرنے والے پولیس افسران کا تعلق پولیس کے کس محکمے سے تھا۔

حکام نے کہا کہ فائرنگ کے متعلق دیگر تفصیلات بعد میں بذریعہ پریس کانفرنس فراہم کی جائیں گی۔