جنوبی وزیرستان میں دھماکا، جے یو آئی رہنما مولانا سلطان زخمی

وانا (نمائندہ ڈیلی اردو)پاکستان کے شورش زدہ صوبے خیبر پختونخوا کے قبائلی ضلع جنوبی وزیرستان کے وانا بازار میں دھماکے کے نتیجے میں جمعیت علمائے اسلام (جے یو آئی) کے رہنما مولانا سلطان زخمی ہو گئے۔

ابتدائی اطلاعات کے مطابق واقعہ وانا بازار میں پیش آیا، جہاں زور دار دھماکہ ہوا۔ زخمی مولانا سلطان کو فوری طور پر ہسپتال منتقل کیا گیا، جہاں ان کی حالت خطرے سے باہر بتائی جا رہی ہے۔

پولیس اور سکیورٹی فورسز نے واقعے کے فوراً بعد جائے وقوعہ کا محاصرہ کر کے شواہد اکٹھے کرنا شروع کر دیے اور تحقیقات کا آغاز کر دیا۔

ذرائع کے مطابق مولانا سلطان جامعہ اشرفیہ کے مہتمم ہیں اور دھماکہ اس وقت ہوا جب وہ مدرسہ سے اپنے گھر واپس آ رہے تھے۔