حیدر آباد: تبلیغی جماعت کے مزید 63 افراد میں کررونا وائرس کی تصدیق، تعداد 94 ہوگئی

حیدر آباد (ڈیلی اردو) صوبہ سندھ کے ضلع حیدر آباد میں تبلیغی جماعت کے مزید 63 افراد میں کورونا وائرس کی تصدیق ہو جانے کے بعد تبلیغی جماعت سے وابستہ مریضوں کی تعداد 94 ہو گئی۔

نور مسجد تبلیغی مرکز کے دوسرے لئے گئے 100 سیمپلز میں سے بھی 63 مثبت آئے۔ محکمہ صحت سندھ کا کہنا ہے کہ تمام افراد کو ہسپتال اور لیبر فلیٹس کورن ٹین سنٹر منتقل کردیا گیا ہے۔

کراچی، جیکب آباد اور جامشورو میں بھی مزید کیسز کی تصدیق ہونے کے بعد سندھ میں کورونا وائرس سے متاثرہ مریضوں کی تعداد 627 ہو گئی۔

محکمۂ صحت نے تبلیغی جماعت کے مزید 63 افراد میں کورونا وائرس کی تصدیق کر دی ہے، تبلیغی جماعت سے وابستہ 200 افراد کے کورونا کے ٹیسٹ کیے گئے تھے۔

حیدرآباد میں کورونا کے مزید 54 کیسز کی تصدیق

اب حیدر آباد میں کورونا وائرس کے مثبت ٹیسٹ کی تعداد 94 ہو گئی ہے، جن میں سے 90 کا تعلق تبلیغی جماعت سے ہے۔

تبلیغی مرکز سے کوہسار ہسپتال منتقل کیے گئے چینی باشندے میں ہفتے کے روز کورونا وائرس کی تصدیق ہونے کے بعد تبلیغی مرکز میں قیام پذیر تمام افراد کو محدود کر دیا گیا تھا جن کے محکمۂ صحت نے ٹیسٹ کے لیے نمونے بھی حاصل کیے ہیں۔

پاکستان میں کورونا وائرس کے باعث ہلاکتوں کی تعداد 25 ہوگئی ہے جب کہ مزید کیسز سامنے آنے کے بعد مجموعی کیسز 1866 تک جا پہنچے ہیں۔

پاکستان میں اب تک کورونا وائرس سے ہونے والی ہلاکتوں میں سے پنجاب میں سب سے زیادہ 9 ہلاکتیں ہوچکی ہیں جب کہ سندھ میں 7 اور خیبرپختونخوا میں 6 افراد وائرس سے جاں بحق ہوچکے ہیں۔