دنیا کررونا وائرس کی وباء کیخلاف اعلان جنگ کرے: ڈبلیو ایچ او

جنیوا (ڈیلی اردو) عالمی ادارہ صحت ‘ڈبلیو ایچ او’ کے ڈائریکٹر جنرل ٹیڈ روس اڈھانوم گبریوس نے گذشتہ روز کہا ہے کہ کررونا کی وبا پوری دنیا کے لیے خطرہ ہے۔ پوری دنیا کو اس وباء کے خلاف اعلان جنگ کرنا ہوگا۔

جنیوا میں ایک پریس کانفرنس سے خطاب میں مسٹر گبریوس نے کہا کہ دنیا بھر میں اجتماعی سماجی سرگرمیوں میں کمی، لوگوں کا ایک دوسرے سے فاصلے پر رہنا اور گھروں میں بند ہونا ہی اس مسئلے کا حل نہیں۔ ہم اس وائرس سے متاثرہ ہر فرد کی نشاندہی کرکے اس مہلک بیماری پر حملہ کرنا ہے تاکہ اسے جڑ سے اکھاڑ پھینکا جائے۔

Together! https://t.co/yYAtLkXIUT

— Tedros Adhanom Ghebreyesus (@DrTedros) March 24, 2020

انہوں نے کہا کہ کررونا وبائی بیماری کے پھیلاؤ کی تعداد میں تیزی آرہی ہے۔ اب اس وقت کرونا کے تین لاکھ سے زیادہ کیسز کی اطلاع دی جارہی ہے لیکن دنیا اس بیماری کا راستہ روکنے کی صلاحیت رکھتی ہے۔

انہوں نے انکشاف کیا کہ وہ اس ہفتے جی 20 رہنماؤں کے ساتھ بات کریں گے اور ان سے حفاظتی آلات کی پیداوار بڑھانے کے لیے مل کر کام کرنے کو کہا جائے گا۔

ورلڈ ہیلتھ آرگنائزیشن کے ڈائریکٹر جنرل نے مطالبہ کیا کہ طبی عملے زیادہ سے زیادہ سہولیات دی جائیں تاکہ انسانی جانوں کا ضیاع روکا جا سکے۔