پاکستانی فیلڈ مارشل جنرل عاصم منیر چیف آف ڈیفنس فورسز مقرر

اسلام آباد (نمائندہ ڈیلی اردو) پاکستان کے ایوانِ صدر سے جاری اعلامیے کے مطابق صدر آصف علی زرداری نے فیلڈ مارشل عاصم منیر کی بطور چیف آف آرمی اسٹاف اور چیف آف ڈیفنس فورسز تعیناتی کی منظوری دے دی ہے۔ 

وزیراعظم شہباز شریف نے آج شام دونوں عہدوں کے لیے سمری ایوانِ صدر بھجوائی تھی جسے فوری طور پر منظور کر لیا گیا۔ فیلڈ مارشل عاصم منیر ملک کے پہلے چیف آف ڈیفنس فورسز بھی مقرر ہو گئے ہیں، دونوں عہدوں کی مدت پانچ سال ہو گی۔ 

صدر زرداری نے وزیراعظم کی بھیجی گئی دوسری سمری بھی منظور کر لی ہے جس کے تحت چیف آف ایئر اسٹاف ائیر چیف مارشل ظہیر احمد بابر سدھو کی مدتِ ملازمت میں دو سال کی توسیع کر دی گئی ہے، یہ توسیع ان کی موجودہ مدت کے مارچ 2026 میں اختتام پر نافذ ہو گی۔ 

اس سے قبل وزیر قانون اعظم نذیر تارڑ نے پریس کانفرنس میں کہا تھا کہ چیف آف ڈیفنس فورسز کی تقرری میں کوئی قانونی یا سیاسی رکاوٹ نہیں ہے اور نوٹیفکیشن جلد جاری ہو جائے گا۔