فیصل آباد: اغوا ہونیوالا سات سالہ بچہ جنسی زیادتی کے بعد قتل

فیصل آباد (نمائندہ ڈیلی اردو) فیصل آباد میں گزشتہ روز پراسرار طور پر اغوا ہونے والے ڈھائی سالہ بچے کی نعش برآمد۔ بتایا گیا ہے کہ ڈجکوٹ سے گزشتہ روز سات سالہ فیضان پراسرار طور پر غائب ہو گیا جس کی اطلاع مقامی پولیس کو بھی کی گئی۔ تاہم بچہ تو نہ ملا اسکی نعش آج گاؤں سے ملی۔ ورثاء کے مطابق معصوم بچے کو زیادتی کے بعد قتل کیا گیا ہے۔

پولیس کے مطابق واقعہ فیصل آباد کے تھانہ ڈجکوٹ میں پیش آیا، جہاں سات سالہ بچے فیضان کو جنسی زیادتی کے بعد گلہ دبا کر قتل کیا گیا اور اس کے لاش گاؤں کے باہر پھینک دی گئی
پولیس کے مطابق ننھا فیضان تھانہ ڈجکوٹ کے علاقے 261 بھاگوالی کا رہائشی تھا، پولیس نے لاش کو قبضے میں لے کر رورل ہیلتھ سینٹر ڈج کوٹ پہنچایا، جہاں اس کا پوسٹ مارٹم کیا جارہا ہے۔