مسجد الحرام اور مسجد نبویؐ میں نمازوں کی ادائیگی پر مکمل پابندی عائد کردی

ریاض (ویب ڈیسک) سعودی حکام نے کورونا وائرس کی روک تھام کے لیے حفاظتی اقدامات کے تحت مسجد الحرام اور مسجد نبویؐ کے اندرونی اور بیرونی حصے میں پنجگانہ نماز اور نماز جمعہ کی ادائیگی پر مکمل پابندی عائد کردی۔

الجزیرہ ٹی وی کے مطابق سعودی حکام نے اس سے قبل مسجد الحرام اور مسجد نبویؐ کے علاوہ ملک بھر کی مساجد میں باجماعت نماز ادا کرنے پر پابندی عائد کی تھی۔

Masjid An Nabawi gates are closed to prevent worshippers from entering as per new information released by the authorities which only authorised very few people to enter the Masjid Compound. pic.twitter.com/6Dvoi0tAUc

— ???????????????????????????????? (@HaramainInfo) March 19, 2020

تاہم اب نئے اقدامات کے تحت مسجد نبویؐ اور مسجد الحرام کے اندر اور باہر پنجگانہ نمازوں اور نماز جمعہ پر مکمل پابندی عائد کردی گئی ہے اور نمازیوں کو مساجد میں داخلے سے بھی روک دیا گیا ہے۔

Completely Empty Masjid Al Haram besides workers pic.twitter.com/IgpjcvF2jk

— ???????????????????????????????? (@HaramainInfo) March 20, 2020

مسجد نبویؐ کی انتظامیہ کی جانب سے مسجد کے دروازے بند کردیے گئے ہیں اور صرف چند متعلقہ حکام کو مسجد کے کمپاؤنڈ تک جانے کی اجازت ہوگی۔

Some images from Masjid An Nabawi. One hour before the Khutbah is scheduled to begin. pic.twitter.com/d5hxsBXLmd

— ???????????????????????????????? (@HaramainInfo) March 20, 2020

مسجد الحرام کی انتظامیہ نے اعلان کیا ہےکہ سیکیورٹی اور صحت کے حکام نے مسجد الحرام کے بیرونی حصے میں موجود اسکوائر میں بھی نمازیوں کی موجودگی پر پابندی عائد کی ہے جب کہ مسجد نبویؐ میں بھی کل سے اس پابندی کا اطلاق ہوگا۔

سعودی حکام نے اس سے قبل وائرس سے بچاؤ کے لیے خانہ کعبہ کے اطراف اسپرے کے لیے مطاف خالی کرایا تھا اور طواف کے عمل کو روک دیا گیا تھا جب کہ بعد میں مطاف کو زائرین کے لیے کھولا گیا تو انہیں کعبہ کے قریب جانے کی اجازت نہیں دی گئی اور اس کے گرد حفاظتی ڈھانچہ لگایا گیا۔

BREAKING | 70 new cases of the COVID-19 Coronavirus reported in Saudi Arabia raising the number of infected to 344 with 8 recoveries.

Among the 70 infected, 2have been reported in Makkah raising the total number of infected in Makkah to 51 and first case in Madinah pic.twitter.com/NecFTEx1hq

— Inside the Haramain (@insharifain) March 20, 2020

عرب میڈیا کا بتانا ہے کہ سعودی عرب میں ہفتے کے روز کورونا وائرس کے مزید 70 کیسز سامنے آئے جس کے بعد ملک بھر میں تعداد 344 ہوچکی تاہم اب تک کسی ہلاکت کی اطلاع نہیں ملی۔