کوہلو: دو قبائل میں تصادم، 2 افراد ہلاک، 7 زخمی

کوہلو (نمائندہ ڈیلی اردو) بلوچستان کے ضلع کوہلو میں مری قبیلے کی ذیلی شاخ شاہیجہ مری کے ایک ہی خاندان میں خونی تصادم کے نتیجے میں دو افراد جان بحق جبکہ سات زخمی ہوگئے۔

تفصیلات کے مطابق ضلع کوہلو میں مری قبائل کی ذیلی شاخ شاہیجہ کے دو گروہوں کے درمیان زمین کے تنازعہ میں خونی تصادم اور فائرنگ کے نتیجے میں دو افراد جاں بحق جبکہ سات افراد زخمی ہوگئے۔

An armed clash bw two sub-tribes of #Marri occurred in Kohlu district of #Balochistan, at least two people were killed while five others injured, panic feared across the area after the clash,

— ???????? (@Info_Balochistn) April 13, 2020

دونوں قبائل کے مسلح افراد نے مورچہ بند ہوکر ایک دوسرے پر جدید ہتھیاروں سے فائرنگ کردی جس کے نیتجے میں عیسی خان ولد مہراب اور سلیم عارف ولد عیسی خان جاں بحق ہوگئے جبکہ دیگر 7 افراد زخمی ہوئے۔ جبکہ زخمیوں میں چند افراد کی حالت تشویشناک بتائی جاتی ہے۔ جنہیں پنجاب کے اضلاع ملتان اور ڈیرہ غازیخان ریفر کیا گیا ہے۔

لیویز ذرائع کے مطابق تنازعہ ایک ہی قبیلے کی دو شاخوں کے درمیان پیش آیا۔

خیال رہے کہ بلوچستان کے مختلف علاقوں میں قبائلی و زمینوں کے تنازعات کی وجہ سے اکثر اوقات مسلح تصادم ہوتے رہتے ہیں جس کے سبب کئی افراد اپنی جانوں سے ہاتھ دھو بیٹھتے ہیں۔

واضح رہے اب تک دو افراد گرفتار بھی ہو چکے ہیں۔ گرفتار ہونے والوں میں سے ایک شخص کو بروقت کاروائی کرتے ہوئے پولیس نے گرفتار کرلیا جبکہ دوسرے شخص کو لیویز فورس نے ببرٹک سے گرفتار کرلیا۔