کوئٹہ: غیرت کے نام پر سیکیورٹی اہلکار نے بیوی سمیت 2 افراد کو قتل کردیا

کوئٹہ (ویب ڈیسک) کوئٹہ میں فائرنگ کے 2 مختلف واقعات میں 3 افراد جاں بحق ہوگئے، سیکیورٹی اہلکار نے غیرت کے نام پر فائرنگ کرکے بیوی سمیت 2 افراد کو قتل کردیا۔

پولیس کے مطابق تھانہ کیچی بیگ کے علاقے سریاب کلی میں بلوچستان کانسٹیبلری کے اہلکار نے فائرنگ کرکے اپنی اہلیہ کو قتل کردیا، مقتولہ 3 بچوں کی ماں تھی۔

ملزم نے بیوی کو قتل کرنے کے بعد سریاب کے علاقے عوامی پمپ کے قریب فائرنگ کرکے اپنے ہمسائے کو زخمی کردیا، جسے سول اسپتال منتقل کیا گیا تاہم وہ جانبر نہ ہوسکا، فائرنگ کے بعد سے ملزم اپنے 3 بچوں کے ہمراہ فرار ہے۔

خاتون کی لاش کو سول اسپتال منتقل کردیا گیا، ڈاکٹرز مطابق مقتولہ کو پیٹ اور ٹانگوں پر گولیاں لگیں۔ پولیس کا کہنا ہے کہ دونوں مقامات سے ٹی ٹی پستول کے خول ملے ہیں، پولیس نے فنگر پرنٹس، خول اور مقتول کا موبائل ڈیٹا حاصل کرکے تحقیقات شروع کردیں۔

کوئٹہ کے علاقے مشرقی بائی پاس پر رند گڑھ کے قریب سے 35 سالہ شخص کی تشدد زدہ لاش ملی ہے۔ پولیس کا کہنا ہے کہ مقتول کی شناخت بسم اللہ ولد محمد افضل اچکزئی کے نام سے ہوئی ہے، کوئٹہ کے علاقے پشتون آباد کا رہائشی دو دن قبل سے لاپتہ تھا۔

Facebook Notice for EU! You need to login to view and post FB Comments!

اس خبر پر اپنی رائے کا اظہار کریں

اپنا تبصرہ بھیجیں