امریکا کا خلیجی پانیوں کے تحفظ کیلئے فوجی اتحاد بنانے کا اعلان

واشنگٹن (مانیٹرنگ ڈیسک) امریکا نے آبنائے ہرمز میں مفادات کے تحفظ کیلئے فوجی اتحاد بنانے کا اعلان کر دیا۔ امریکی جنرل جوزف ڈینفورڈ کا کہنا ہے ایران یمن کے اطراف سمندر کی حفاظت کیلئے فوجی اتحاد بنانا چاہتے ہیں۔

تفصیلات کے مطابق امریکی چیئرمین آف جوائنٹ چیفس آف اسٹاف جنرل جوزف ڈنفورڈ کا کہنا ہے کہ امریکا خلیجی پانیوں کے تحفظ کے لیے اتحاد چاہتا ہے۔ آبنائے ہرمز اور باب المندب میں آزادانہ نقل و حرکت کے لیے متعدد ممالک سے گفتگو کر رہے ہیں۔

جنرل ڈنفورڈ نےکہا کہ آئندہ چند ہفتوں میں یہ واضح ہو جائے گا کہ کون سیاسی طور پر امریکا کے فیصلے کی حمایت کرے گا؟انہوں نے یہ بھی کہا کہ امریکا خلیجی پانیوں کے تحفظ کے لیے خواہش مند ممالک کے ساتھ مل کر عسکری صلاحیتیں مجتمع کرے گا۔

واضح رہے کہ اس سے قبل امریکی وزیر خارجہ مائیک پومپیو نے امید ظاہر کی تھی کہ 20 سے زائد ممالک میری ٹائم سیکیورٹی کے لیے مل کر کام کریں گے۔

اس خبر پر اپنی رائے کا اظہار کریں

اپنا تبصرہ بھیجیں