اسلام آباد (ڈیلی اردو) وفاقی وزیر سائنس و ٹیکنالوجی فواد چوہدری نے کہا ہے کہ اپوزیشن ناکام ہوگئی۔ مولانا فضل الرحمان نے بچہ بنا کر مریم نواز اور بلاول بھٹو کو استعمال کیا۔ اپوزیشن کی سیاست دفن ہوگئی ہے۔
چیئرمین سینیٹ صادق سنجرانی کے خلاف تحریک عدم اعتماد ناکام ہونے کے بعد وفاقی وزیر سائنس و ٹیکنالوجی فواد چوہدری نے میڈیا سے گفتگو کرتے ہوئے کہا کہ اپوزیشن کو چاہیے کہ مولانا فضل الرحمان سے پوچھیں کہ ان کے 5 ووٹ کہاں گئے؟
Federal Minister For Science And Technology Fawad Choudhry Media Talk outside National Assembly Islamabad after Senate rejects no-confidence resolution moved by Opposition against Chairman Senate (01.08.19) #PTI @fawadchaudhry pic.twitter.com/uyTgmGunrT
— PTI (@PTIofficial) August 1, 2019
وفاقی وزیر سائنس ٹیکنالوجی نے کہا کہ اکثر سینیٹرز کی رائے تھی کہ یہ تحریکِ عدم اعتماد ٹھیک نہیں، لیکن کچے ذہنوں کے فیصلہ تھا کہ ابو کیلئے چیئرمین سینیٹ کو ہٹانا ہے۔ ان کے ابو جیلوں میں ہیں اور پیسے بھی نہیں دینا چاہتے۔
فواد چوہدری نے کہا کہ اپوزیشن کو خطرہ ہے تو مولانا فضل الرحمان کی جیبیں بھی چیک کرے۔ مولانا نے مریم نواز اور بلاول بھٹو کو استعمال کیا۔ اپوزیشن کے ساتھ ہمارا کوئی بڑا جھگڑا نہیں ہے۔ وہ چاہتی ہے کیسز اور احتساب پر حکومت بات نہ کرے جبکہ قانون میں پلی بارگین کا آپشن ہے، پیسا دے دیں اور باہر چلے جائیں۔
انہوں نے مزید کہا کہ چیئرمین سینیٹ کی کامیابی سے حکومت اور ایوان مضبوط ہوا۔ کیا پتہ حاصل بزنجو نے صادق سنجرانی کے حق میں ووٹ دیا ہو۔
