180

اسرائیلی پولیس نے بیت المقدس میں فلسطینی نوجوان کو گولی مار کر شہید کردیا

مقبوضہ بیت المقدس (ڈیلی اردو) مقبوضہ بیت المقدس میں اسرائیلی پولیس نے ایک فلسطینی نوجوان پر فائرنگ کرکے اسے شہید اور دوسرے کو زخمی کردیا۔

تفصیلات کے مطابق اسرائیلی پولیس کی طرف سے جاری ایک بیان میں کہا گیا ہے کہ پرانے بیت المقدس میں دو فلسطینیوں کو پولیس چاقو سے حملے کی کوشش کے دوران گولیاں ماری گئیں جس کے نتیجے میں ایک فلسطینی موقع پر ہی شہید ہو گیا جبکہ دوسرا شدید زخمی ہوگیا۔

فلسطینی ہلال احمر کے مطابق اسرائیلی پولیس کی فائرنگ سے اسلامی اوقاف کا ایک محافظ بھی زخمی ہوا ہے جسے علاج کے لیے ہسپتال منتقل کیا گیا ہے۔

یہ واقعہ ایک ایسے وقت میں پیش آیا ہے جب چند روز پیشتر مسجد اقصی کے حرم قدسی میں فلسطینی نمازیوں اور اسرائیلی فورسز کی درمیان سخت کشیدگی دیکھی گئی تھی۔

اس خبر پر اپنی رائے کا اظہار کریں

اپنا تبصرہ بھیجیں