بلوچستان: تربت میں 2 گروپوں میں مسلح تصادم، پانچ افراد ہلاک

کیچ (ڈیلی اردو) بلوچستان کے ضلع کیچ کے علاقے تربت میں دو گروپوں میں مسلح تصادم کے نتیجے میں پانچ افراد ہلاک ہو گئے۔

ڈپٹی کمشنر کیچ بشیر احمد کےمطابق دو گروپوں میں مسلح تصادم کا واقعہ تربت کے علاقے زمران میں پیش آیا جہاں تصادم کے نتیجے میں پانچ افراد ہلاک ہو گئے۔

مسلح تصادم منشیات کے اسمگلروں کے گروپوں کے درمیان ہوا، واقعہ کے بعد لیویز فورس علاقے میں روانہ کردی گئی ہے۔

نمائندہ ڈیلی اردو کے مطابق ہلاک شدگان میں اسماعیل ولد غلام محمد، شاہ داد ولد بہرام اور نواز ولد نظر ساکنین پروم پنجگور کے علاوہ دو دیگر افراد شناخت نہ ہو سکی۔

ذرائع کا کہنا ہے کہ یہ دل خراش واقعہ منشیات کی لوٹ مار کے باعث پیش آیا۔ یاد رہے کہ ان علاقوں میں اس سے پہلے بھی کئی ایسے واقعات پیش آتے رہے ہیں۔

اس خبر پر اپنی رائے کا اظہار کریں

اپنا تبصرہ بھیجیں