159

پاکستان میں کرکٹ کے فروغ میں ڈیرن سیمی کا کردار بہت اہم ہے: آصف غفور

راولپنڈی (ویب ڈیسک) پشاور زلمی کے کپتان ڈیرن سیمی نے ڈی جی آئی ایس پی آر میجر جنرل آصف غفور سے ملاقات کی ہے۔

میڈیا رپورٹ کے مطابق ڈی جی آئی ایس پی آر میجر جنرل آصف غفور سے انٹرنیشنل کرکٹر ڈیرن سیمی نے ملاقات کی ، اس موقع پر پشاور زلمی فرنچائز کے مالک جاوید آفریدی بھی موجود تھے۔

ڈی جی آئی ایس پی آر نے کہا کہ ہمیں معلوم ہے آپ کو پاکستان سے محبت ہے اور پاکستان میں کرکٹ کے فروغ میں آپ کا کردار بہت اہم ہے۔

میجر جنرل آصف غفور نے کہا کہ پاکستانی عوام بھی آپ سے محبت کرتے ہیں اور آپ کی کرکٹ کے لیے بے پناہ خدمات ہیں،پہلے پاکستان میں انٹرنیشنل کرکٹ بہت زیادہ نہیں ہو رہی تھی تاہم ہمیں امید ہے کہ آپ کے بعد دیگر عالمی ٹیمیں بھی پاکستان آئیں گی۔

اس خبر پر اپنی رائے کا اظہار کریں

اپنا تبصرہ بھیجیں