اسلام آباد (ڈیلی اردو) پاکستان تحریک انصاف کے وفاقی وزیر قانون فروغ نسیم نے وزیراعظم عمران خان کو اپنا استعفی پیش کردیا ہے۔ وزیراعظم عمران خان نے ان کا استعفیٰ قبول کر لیا ہے۔
وفاقی وزیر ریلوے شیخ رشید احمد نے ان کے استعفی کی تصدیق کی ہے۔
وفاقی وزیر ریلوے شیخ رشید احمد نے وفاقی کابینہ کے اجلاس کے بعد پریس کانفرنس میں یہ اہم خبر میڈیا کو دی اور کہا کہ حکومت کیلئے ان کی خدمات قابل تعریف ہیں جس کی جتنی قدر کی جائے کم ہے۔
انہوں نے واضح کیا کہ وہ وزیر قانون کی حیثیت سے آرمی چیف قمر جاوید باجوہ کی ایکسٹینشن (توسیع) کیس میں عدالت عالیہ میں پیش نہیں ہو سکتے تھے۔ انہوں نے رضاکارانہ طور پر اپنا استعفیٰ وزیراعظم عمران خان کو پیش کیا جسے منظور کر لیا گیا ہے۔
