لاہور (ڈیلی اردو) آرمی چیف جنرل قمر جاوید باجوہ سرکاری دورے پر لاہور پہنچے، انہوں نے داتا دربار پر حاضری دی اور پھولوں کی چادر چڑھائی۔
آئی ایس پی آر کے مطابق آرمی چیف جنرل قمر جاوید باجوہ لاہور پہنچ گئے، انہوں نے داتا دربار پر حاضری دی، مزار پر چادر چڑھائی اور فاتحہ خوانی کی۔
اس موقع پر ملکی ترقی و خوشحالی اور سلامتی کیلئے دعائیں بھی مانگی گئیں۔واضح رہے کہ آرمی چیف کا مدت ملازمت میں توسیع کے بعد یہ پہلا دورہ لاہور ہے، اس موقع پر انہوں نے سفید ٹوپی، شلوار قمیض کے اوپر نیلے کوٹ کے ساتھ کندھوں پر چادر ڈال رکھی تھی۔
