راولپنڈی (ڈیلی اردو) آرمی چیف جنرل قمر جاوید باجوہ کی زیرصدارت پروموشن بورڈ کے اجلاس میں 36 بریگیڈیئرز کو میجر جنرل کے عہدوں پر ترقی دے دی گئی ہے جس میں سے 11 میجرجنرل کا تعلق آرمی میڈیکل کور سے ہے۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ کی زیرصدارت پروموشن بورڈ کا اجلاس ہوا ہے جس میں بریگیڈیئر سے میجر جنرل کے عہدے پر ترقیوں کی منظوری دی گئی ہے۔
آئی ایس پی آر کا مزید کہنا تھا کہ 12 میجر جنرلز کا تعلق آرمی میڈیکل کور سے ہے۔ ترقی پانے والوں ترقی پانے والوں میں بریگیڈیئر فہیم عامر، بریگیڈیئر راشد محمود، بریگیڈیئر عبدالعید، بریگیڈیئر شاہد منظور، بریگیڈیئر ارشد محمود، بریگیڈیئر محمد عاطف منشا، بریگیڈیئر افتخار حسن چوہدری اور بریگیڈیئر محمد عمر بشیر شامل ہیں۔
ترقی پانے والے دیگر افسران میں بریگیڈیئر اسدالرحمٰن، بریگیڈیئر واجد عزیز، بریگیڈیئر کامران تبریز سویرا، بریگیڈیئر محمد رضا آزاد، بریگیڈیئر چوہدری عامر اجمل، بریگیڈیئر جواد احمد قاضی، بریگیڈیئر احسان علی، بریگیڈیئر کامران نذیر، بریگیڈیئر شبیر ناریجو اور بریگیڈیئر عادل رحمانی بھی شامل ہیں۔
بریگیڈیئر جاوید دوست چانڈیو، بریگیڈیئر سید آصف حسین، بریگیڈیئر محمد اسحٰق خٹک، بریگیڈیئر احمد بلال، بریگیڈیئر محمد شہباز تبسم، بریگیڈیئر ظفر اقبال اور بریگیڈیئر عمران اللہ کو بھی ترقی دی گئی ہے۔
آرمی میڈیکل کور کے بریگیڈیئر عبیرہ چوہدری، بریگیڈیئر محمد ظفر علی، بریگیڈیئر سید خرم شہزاد، بریگیڈیئر بلال عمیر، بریگیڈیئر عتیق الرحمٰن، بریگیڈیئر راؤ علی شان خان، برگیڈیئر محسن محمد قریشی، بریگیڈیئر ظہیر اختر، بریگیڈیئر محمود سلطان، بریگیڈیئر حفیظ الدین، بریگیڈیئر سلمان سلیم کو بھی میجر جنرل کے عہدے پر ترقی دے دی گئی۔
