صوابی (ڈیلی اردو) صوبہ خیبر پختونخوا کے ضلع صوابی کے نواحی علاقے ڈاگئی میں گھریلو جھگڑے پر فائرنگ سے باپ اور بیٹی جاں بحق جبکہ بیوی نے ملزم کو کلہاڑی کے وار سے قتل کر دیا۔
تفصیلات کے مطابق صوابی میں گھریلو تنازعہ تین جانیں لے گیا۔ ڈاگئی کے نواحی علاقے پخہ پُلہ میں مسافر نامی شخص نے سبز علی اور اس کی بیٹی کو فائرنگ کرکے قتل کردیا۔ جس کے بعد مقتول کی بیوی نے ملزم کو بھی کلہاڑی کے وار کرکے قتل کردیا۔
پولیس نے تینوں لاشوں کو پوسٹ مارٹم کے لئے مقامی ہسپتال منتقل کر دیا ہے۔
