راولپنڈی (ڈیلی اردو) راولپنڈی کے علاقے صدر واہ میں ڈکیتی اور قتل کے ملزمان اور پولیس کے درمیان مقابلہ۔ فائرنگ کے تبادلے میں پولیس کو مطلوب ڈاکو ہلاک ہوگیا۔
راولپنڈی کے علاقے صدر واہ میں ڈکیتی و قتل کے ملزمان اور پولیس کے درمیان مبینہ مقابلہ، فائرنگ کے تبادلے میں ملزم عمر عرف عمری ہلاک ہو گیا جبکہ دو ساتھی فرار ہونے میں کامیاب ہو گئے۔
پولیس کے مطابق ملزم میر عمر عرف عمری نے چند روز قبل سی این جی پمپ پر واردات کی تھی۔ دوران واردات سیکیورٹی گارڈ شدید زخمی ہو کر دم توڑ گیا تھا۔
ہلاک ملزم میر عمر عرف عمری نے چند روز قبل CNG سٹیشن پر ڈکیتی کی واردات کےدوران 63سالہ بزرگ گارڈ کو بےرحمی سےفائرنگ کرکےقتل کردیا تھا۔
ہلاک ملزم میرعمرعرف عمری ٹیکسلا کی حدودمیں02 مقدمات میں اشتہاری تھااورڈکیتی، نقب زنی اوراسلحہ جیسےسنگین درجنوں مقدمات میں ریکارڈ یافتہ بھی تھا۔ https://t.co/Qeooum43U1
— Rawalpindi Police (@RwpPolice) April 17, 2020
پولیس ہلاک ملزم کے دو ساتھی پہلے ہی گرفتار کر چکی ہے۔ ملزم میر عمر دو مقدمات میں اشتہاری اور ٹیکسلا میں درجنوں سنگین مقدمات میں مطلوب بھی تھا۔ ملزم میر عمر عرف عمری کی لاش کو پوسٹ مارٹم کیلئے ہسپتال منتقل کیا جارہا ہے۔
