کراچی (ڈیلی اردو) کراچی کے علاقے گلستان جوہر میں ایس آئی یو پولیس اور حساس ادارے نے مشترکہ طور پر کارروائی کرتے ہوئے بھارتی خفیہ ایجنسی ’را‘ کیلئے کام کرنے والا کراچی پولیس کا اے ایس آئی گرفتار کرلیا۔
پولیس حکام کے مطابق را کے لیے کام کرنے والا کراچی پولیس اسسٹنٹ سب انسپیکٹر (اے ایس آئی) شہزاد پرویز شاہراہ فیصل تھانے میں تعینات تھا۔
گرفتار پولیس اہلکار دہشت گردی کی کارروائیوں میں ملوث ہے، ملزم کو محمود صدیقی گروپ کی جانب سے بھاری رقم فراہم کی جارہی تھی۔
پولیس حکام کے مطابق گرفتار پولیس اہلکار ٹارگٹ کلرز کی ٹیم کا اہم رکن بتایا جاتا ہے، ملزم اہلکار ایم کیو ایم لندن سے وابستہ ہے۔ ملزم کو محمود صدیقی گروپ کیجانب سے بھاری رقم فراہم کی جاتی تھی جبکہ گرفتار پولیس اہلکار دہشت گردی کی کارروائیوں میں ملوث ہے۔
پولیس نے بتایا کہ پولیس اہلکار ٹارگٹ کلرز کی ٹیم کا اہم رکن بتایا جاتا ہے اور ملزم اہلکار ایم کیوایم لندن سے وابستہ ہے ، اے ایس آئی شہزاد پرویز گلستان جوہر کا رہائشی ہے۔
پولیس حکام کا کہنا تھا کہ گرفتار اہلکار سے 2 دستی بم بھی برآمد ہوئے۔
پولیس رپورٹ کے مطابق ملزمان نے اعتراف کیا تھا کہ ایم کیو ایم لندن کا گروپ بھارتی خفیہ ایجنسی را کے لیے کام کرتا ہے، محمود صدیقی نامی شخص کو بھارتی ایجنسی ماہانہ رقم فراہم کرتی ہے پھر یہ رقم کراچی میں موجود ایم کیو ایم لندن کے دہشت گردوں کو بھیجی جاتی ہے۔
گذشتہ ماہ سندھ پولیس کے ہاتھوں گرفتار ہونے والے بھارتی خفیہ ایجنسی را کے مبینہ دہشت گردوں نے شہر قائد میں کی جانے والی وارداتوں کا اعتراف کیا تھا۔
ملزم سے مزید تحقیقات شروع کردی گئی ہیں۔
