واشنگٹن (مانیٹرنگ ڈیسک) امریکا میں خام تیل کی مارکیٹ کریش کرگئی اور امریکی تاریخ میں پہلی بار خام تیل کی فی بیرل (158 لیٹر) قیمت صفر سے بھی کم ہوکر منفی 37.6 ڈالر فی بیرل پر چلی گئی۔
BREAKING: WTI crude oil futures trade at negative price for first time https://t.co/pOSyH6AVtP pic.twitter.com/XsoH1jG8WH
— Bloomberg (@business) April 20, 2020
رپورٹس کے مطابق کورونا وائرس کے باعث جہاں دنیا بھر کی معیشتیں بدحالی کا شکار ہورہی ہیں وہیں عالمی منڈی میں پٹرولیم مصنوعات کی قیمتوں کو شدید جھٹکا لگا ہے جس کے باعث امریکی کروڈ آئل کی مارکیٹ کریش کرگئی۔ امریکی خام تیل کی قیمت چند گھنٹوں میں مسلسل کم ہوتے ہوئے منفی ہوگئی اور ڈبلیو ٹی آئی خام تیل کی قیمت منفی 37.6 ڈالر پر بند ہوئی۔
Historic collapse in oil prices sends U.S. stocks reeling, with Dow losing nearly 600 points https://t.co/tvDIpROWHH
— The Washington Post (@washingtonpost) April 20, 2020
تیل کی قیمتوں میں اس بدترین مندی کے بعد امریکا میں تیل کی خریداری کے لیے ہونے والے مئی کے معاہدے بند ہوگئے اور امریکی تیل کمپنیاں بند ہونے کے قریب پہنچ گئیں۔
BREAKING: US crude oil prices fall below $0 for the first time in history.
Read the latest: https://t.co/oZKH4Odkqg https://t.co/eIFAVVJoLu
— Al Jazeera Breaking News (@AJENews) April 20, 2020
ماہر معاشیات ڈاکٹر قیس اسلم نے کہا کہ کورونا کی وجہ سے عالمی ٹرانسپورٹ بند ہے اور پیٹرول کی طلب کم ہوگئی ہے، ڈیمانڈ کم اور سپلائی زیادہ ہونے سے سب سے زیادہ نقصان امریکن آئل کمپنی شیل کو ہوگا، کورونا کی وجہ سے عالمی معیشت کے مزید گراوٹ کے شکار ہونے کا خدشہ ہے، اس وقت دنیا کی اکانومی 1929ء میں ہونے والی عالمی کساد بازاری کی طرف جارہی ہے۔
ماہر معاشیات ڈاکڑ سلمان شاہ نے کہا کہ تیل کی ڈیمانڈ پوری دنیا میں انتہائی تیزی کے ساتھ کم ہوگئی ہے، ٹرانسپورٹ بند اور فیکٹریاں بند پڑی ہیں اس کا فائدہ ان ممالک کو پہنچے گا جو جتنا جلد لاک ڈاؤن ختم کرتے ہیں، اس میں آئل پروڈیوسرز کو بہت نقصان ہے۔
ماہرین کا کہنا ہے کہ خام تیل ذخیرہ کرنے کی گنجائش تیزی سے ختم ہورہی ہے جس کے باعث امریکا میں خام تیل کی قیمت 4 دہائیوں کی کم ترین سطح پر آگئی ہے، ساتھ ہی عالمی منڈی میں تیل کی قیمتیں مزید کم ہورہی ہیں جس کے باعث پاکستان میں بھی پیٹرولیم مصنوعات کی قیمتوں میں بڑی کمی کا امکان ہے، اگر ایسا ہوتا ہے تو رمضان میں پھل، سبزیاں اور دیگر اجناس کی قیمتیں کم ہوسکتی ہیں کیوں کہ ان پر ٹرانسپورٹیشن کی لاگت کم ہوجائے گی۔
