پیرس (ڈیلی اردو/نیوز ایجنسیاں) اس وقت پوری دنیا میں کرونا وائرس نے تباہی مچا رکھی ہے۔ یہ وائرس کیسے اور کہاں پیدا ہوا؟ اس سوال پر بھی بحث جاری ہے مگر اس حوالے سے کوئی متفقہ موقف سامنے نہیں آیا ہے۔ کورونا کے وجود میں آنے کے متعدد مفروضے پیش کیے جاتے ہیں۔ ایسا ایک مفروضہ ایک فرانسیسی سائنسدان نے پیش کیا ہے۔ ان کاکہنا ہے کہ کورونا ایک سائنسی تجربہ گاہ میں ایڈز کی ویکسین کی تیاری کے تجربے کے نتیجے میں پیدا ہوا ہے۔
فرانسیسی سائنسدان لاک موںٹانییہ جو طب کے پروفیسر ہیں کا کہنا ہے کہ کورونا وائرس ایڈز کی ویکسین کی تیاری کے دوران پیدا ہوا۔ انہوں نے کہا کہ اس وائرس میں ‘ایچ آئی وی’ کے عناصر موجود ہیں جب کہ ملیریا کے اجزاء بھی موجود ہیں۔
فرانسیسی سائنسدان کا کہنا ہے کہ کورونا وائرس میں موجود مرکبات اور خصائص فطری نتیجے سے پیدا ہونےکا نتیجہ نہیں۔ یہ صرف ایک غلطی کا نتیجہ تھا جو چین کے شہر ووہان میں ایک تجربہ گاہ میں غلطی کا نتیجہ ہے۔
