فیصل آباد (ڈیلی اردو) صوبہ پنجاب کے ضلع فیصل آباد میں تھانہ غلام محمد آباد کے علاقے میں مبینہ پولیس مقابلے میں 5 سالہ بچے کتام علی کو زیادتی کے بعد قتل کرنے والے دو ملزمان سمیت 4 ملزمان ہلاک ہو گئے جبکہ تین ملزمان موقع سے فرار ہو گئے۔
تفصیلات کے مطابق فیصل آباد میں مبینہ زیادتی کے بعد 5 سالہ کتام علی کو قتل کرنے والے ملزمان عمیر اور غلام عباس کو مزید ساتھیوں کی گرفتاری کیلئے لیجایا جارہا تھا کہ تھانہ غلام محمد آباد کے علاقے ڈھیرہ سائیں قبرستان کے قریب انکے نامعلوم 5 مسلح ساتھیوں نے گرفتار ملزمان کو چھڑوانے کیلئے پولیس وین پر فائرنگ کردی۔
5 سالہ بچہ زیادتی کے بعد قتل، ملزمان گرفتار
10.04.2020کو نامعلوم ملزمان نے 5 سالہ کتام علی کو اغواء کرلیا۔ پولیس نے شک گزرنے پر جب محلہ دارعمر اور غلام عباس کو شامل تفتیش کیا تو انہوں نے بچے کو زیادتی کے بعد قتل کرنے کا اعتراف کیا اور بچے کی نعش سیم نالہ باوا چک سے برآمد کروادی pic.twitter.com/6hF80MErcA— Faisalabad Police (@fsdpolice) April 22, 2020
اسی دوران دو طرفہ فائرنگ شروع ہوئی جس کے نتیجے میں گرفتار ملزم عمیر، غلام عباس اور دو حملہ آور موقع پر ہلاک ہو گئے جبکہ تین ملزمان موقع سے فرار ہوگئے۔
ہم اگر آج بھی مجرم کا سر نہ کچلیں گے
ہم اپنے شہر کی تقدیر کیسے بدلیں گے pic.twitter.com/Y5IhuEmk0w— Punjab Police Official (@OfficialDPRPP) April 23, 2020
شہریوں نے اس موقع پر کہا کہ ننھے پھولوں کو اپنی ہوس کا نشانہ بنانے والے ملزمان کو سرعام موت کے گھاٹ اتار دینا چاہئے۔
پولیس کے مطابق مارے جانے والے ملزمان کمسن بچوں سے زیادتی، ڈکیتی، چوری، اور راہزنی سمیت دیگر سنگین جرائم میں پولیس کو مطلوب تھے۔
