کراچی (ڈیلی اردو) کراچی میں کاونٹر ٹیرازم ڈیپارٹمنٹ نے لائنز ایریا میں کارروائی کے دوران رینجرز آفیسر کے بیٹے کے قتل میں ملوث ملزم ریحان عرف بابا کو گرفتار کر لیا۔
سی ٹی ڈی حکام کے مطابق لائنز ایریا بریگیڈ کے علاقے میں کارروائی کرتے ہوئے اسٹریٹ کرائم اور قتل میں ملوث ملزم ریحان کو گرفتار کیا گیا۔ ملزم نے ساتھیوں کے ہمراہ ڈکیتی واردات کے دوران ایک شخص کو قتل کیا تھا۔ مقتول رینجرز کے اعلیٰ آفیسر کا بیٹا تھا۔
واضح رہے کہ ملزم ریحان اس سے قبل بھی متعدد بار گرفتار ہو چکا ہے۔
