214

پارلیمانی لیڈر و صوبائی صدر سردار یار محمد رند کا سئنیر صحافی عاشق بٹ کے انتقال پر افسوس کا اظہار

سبی (بیورورپورٹ) بلوچستان اسمبلی میں پاکستان تحریک انصاف کے پارلیمانی لیڈر و صوبائی صدر سردار یار محمد رند نے سینئر صحافی اور نیوز نیٹ ورک انٹرنیشنل کوئٹہ (NNI)کے بیورو چیف عاشق علی بٹ کے انتقال پر گہرے رنج و غم کا اظہار کرتے ہوئے کہا ہے کہ عاشق بٹ کا شمار بلوچستان کے ان سئنیر جرنلسٹس میں ہوتا ہے جنہوں نے مشکل حالات میں بھی صحافتی خدمات سرانجام دے کر سیاست سماجی مسائل اور ہر طبقہ فکر کے لوگوں کی آواز بلند کی عاشق بٹ کی صحافتی خدمات کھبی فراموش نہیں کی جاسکتی مرحوم کے بیٹے دانیال بٹ کے نام اپنے ایک تعزیتی پیغام میں سردار یار محمد رند نے سوگوار خاندان سے تعزیت و ہمدردی کا اظہار کرتے ہوئے کہا کہ عاشق بٹ نے بلوچستان میں متوازن صحافتی اقدار کو فروغ دےکر دو طرفہ موقف پر مبنی غیر جانبدارنہ صحافتی کردار ہونے کا عملی نمونہ پیش کیا ان کے انتقال سے شعبہ صحافت ایک اچھے اور قابل صحافی سے محروم ہوگیا ان کا صحافتی خلاء کئی عرصہ تک پورا نہیں ہوگا سردار یار محمد رند نے دعا کی کہ اللہ تعالی مرحوم کو جنت الفردوس میں جگہ عطاء فرمائے اور پسماندگان کو صبر جمیل عطا فرمائے ۔

اس خبر پر اپنی رائے کا اظہار کریں

اپنا تبصرہ بھیجیں