135

بلوچستان: ہرنائی میں نجی کوئلہ کمپنی کی کان سے چار مزدور اغوا

کوئٹہ (بیورو رپورٹ) صوبہ بلوچستان کے ضلع ہرنائی کے نواح میں نجی کوئلہ کمپنی کی کان سے چار مزدوروں کو اغوا کر لیا گیا۔

ذرائع کے مطابق نامعلوم مسلح افراد نے نجی کوئلہ کمپنی کی کان پر فائرنگ کی اور ساتھ میں گاڑی اور انجن کو بھی آگ لگا دی۔

مسلح افراد نے بعد میں ایک مزدور کو چھوڑ دیا جب کہ باقی مزدوروں کی بازیابی کے لیے کوششیں جاری ہیں۔

سیکیورٹی فورسز نے اغوا کاروں کی تلاش میں سرچ آپریشن شروع کر دیا۔ ابھی تک کسی گروپ یا تنظیم نے واقعہ کی ذمہ داری قبول نہیں کی۔

واضح رہے کہ 21 اگست 2015 میں علیحدگی پسند گروپ (بی ایل اے) بلوچستان لبریشن فرنٹ نے تربت کے قریب ضلع کیچ میں 20 مزدوروں کو قتل اور تین کو زخمی کر دیا تھا۔

اس خبر پر اپنی رائے کا اظہار کریں

اپنا تبصرہ بھیجیں