پی ایس ایل فور کے تیسرے روز آج مزید 2 میچز کھیلے جائیں گے

دبئی (ڈیلی اردو) پاکستان سپرلیگ 4 کے تیسرے روز آج مزید 2 میچز کھیلے جائیں گے، اسلام آباد یونائیٹڈ کا مقابلہ ملتان سلطانز سے ہو گا جبکہ کراچی کنگز کا لاہور قلندرز سے جوڑ پڑے گا۔

سپرلیگ کے سپر مقابلے جاری ہیں، ایونٹ کے تیسرے روز بھی 4 ٹیمیں ان ایکشن ہوں گی۔

دن کے پہلے میچ میں اسلام آباد یونائیٹڈ اور ملتان سلطانز شام ساڑھے 4 بجے ٹکرائیں گے، یونائیٹڈ نے پہلے میچ میں قلندرز کو ہرایا جبکہ ملتان کو کراچی کنگز سے شکست ہوئی تھی۔

دوسرا ٹاکرا بھی دبئی میں رات 9 بجے شروع ہوگا، کراچی کنگز اور لاہور قلندرز دودو ہاتھ کریں گے، کراچی کنگز اپنا پہلا میچ جیت چکی ہے تاہم لاہور قلندرز پہلی فتح کی تلاش میں میدان میں اترے گی۔

اپنا تبصرہ بھیجیں